Бид анх “Монгол интерьер дизайн” гэх номыг Нэпко хэвлэлийн газартай хамтран бүтээсэн нь тухайн үед салбарынхаа анхдагч бүтээл болон гарч байсан бол энэ удаад 10 жилийн ойдоо зориулан National Geographic болон Нэпко хэвлэлийн газартай хамтран САЯСАНАА хэмээх номыг интерьер сонирхогчдод зориулан цоо шинэ өнгө төрхтэйгөөр бүтээж уншигчдын гарт хүргэж байна.
Энэхүү номдоо бид СаяСанаа нь энгийн нэгэн интерьерийн тухай ойлголт биш бөгөөд үйлчлүүлэгч бүрийнхээ чинхүү хүсэл, амьдралын хэв маягт бүрэн нийцсэн, дахин давтагдашгүй орон зайг мэргэжлийн түвшинд төлөвлөн бүтээх, тэнцвэрт байдлыг бий болгох, түүгээрээ дамжуулан хувь хүний, хамт олны, байгууллагын үнэ цэнийг өсгөх тухай философийг түлхүү шингээж анхлан суралцагчдаас эхлээд гэр ахуй, худалдаа үйлчилгээ, оффисын орчноо шинэчилж, өөрийн хэв маягийг илэрхийлэх орон зай бүтээхийг хүссэн хүн бүхэнд зориулсан юм.
