СаяСанаа хамт олны ажлын орон зай. Интерьерийн салбар нь Монголд дөнгөж хөгжиж буй салбаруудын нэг бөгөөд салбар дахь хөрөнгө оруулалт, дизайны үнэлэмж зэрэг нь харьцангуй бага байдаг нь ихэнх интерьерийн компаниудын хувьд удаан оршин тогтноно гэдэг жинхэнэ сорилт болдог. Манай компанийн хувьд үүсгэн байгуулагдаад 4 жилийн хугацаанд засал гүйцэтгэл нийлээд 300 гаруй төслийн 120,000м2 орчим интерьер дизайны зураг төсөл хийж гүйцэтгэжээ. СаяСанаагийн хувьд хамгийн үнэ цэнтэй зүйл бол зөв хандлагатай, сэтгэлтэй, эрч хүчтэй, чадварлаг залуус. Тэр ч утгаараа компанийн зүгээс ажилтануудаа тав тухтай, сэтгэл хангалуун байлгахад анхаарахыг хичээдэг. Компанийн хамт олондоо зориулсан нийгмийн халамж, сургалт хөгжлийн маш олон ажил төлөвлөсөн байгааг та бүхэндээ цувралаар хүргэх болно.